Рух Slovensko повторяно вызывать опозічны партії Progresívne Slovensko, SaS, KDH і мімопарламентну партію Demokrati, жебы вєдно 9-го мая ішли до Києва. Такым способом бы могли подля руху людям на Словакії вказати, же мають гордость. Рух на то апелує в повязаню з тым, же премєр Роберт Фіцо ся рихтує 9-го мая на святкованя 80-ой річніці закінчіня Другой світовой войны до Москвы. Председа руху Іґор Матовіч означів премєрово рішіня за велезраду і ганьбу про Словакію. Подля Матовіча бы тым, же бы ішла опозіція до Києва, могли дати посолство і Українцям ці Европскым партнерам. Вказав і на то, же жаден із представителів країн Европской унії на святкованя до Москвы не рихтує ся, докінця ани председа мадярьской влады Віктор Орбан.

(Медвідь, TASR)