Посланець Народной рады СР Рудолф Гуліак подав карне ознамліня про унік відеа з його паджіня по скінчіню релації O 5 minút 12. Oд STVR єдночасно очікує оправданя. Увів то вчера на пресконференції. Інформував і о своїм здравотнім ставі. Подля його слов нечує ся добрі. Паджіня означів за ‟кырколомне‟.  STVR в понедільок 30-го септембра высловила над сітуаційов полютованя. Потвердила і зачатя дослідженя уніку відеа. Поуказала на то, же небыло частьов жывого высыланя. (TASR, Pkf)