Клієнты, котрым взникла або взникне одводова повинність проти Соціалній поїщовні по першый раз од 1-го мая 2023-го року і пізніше, автоматічно вступують до II. пілієра пензійного шпоріня. По першых двох роках платности леґіслатівной управы тото чісло досягло скоро 177 тісяч тзв. першопоістенців. Можность выбрати собі свою пензійну справцовску сполочность (DSS) выужыв скоро каждый семый першопоістенець, векшына своє рiшiня одступила Соціалній поїщовні. По скінчіню леготы їм так сістем призначів DSS автоматічно. Право выступити з II. пілієра по повиннім вступі выужыло цілково 4 041 першопоістенців, по выступліню вырiшыло знова до II. пілієра вступити 277 поістенців. Найчісленійшов ґрупов першопоістенців суть штуденты-бриґадници (скоро 84 тісяч), наслідують робітници (веце як 53 тісяч), тзв. догодарі (скоро 25 тісяч) і самостатно заробково діючі особы (веце як 8 тісяч). Соціална поїщовня контiнуално інформує клiєнтів-першопоістенців, котрых ся тота повинность дотыкать, писомно поштов або до eSchránky. (TASR, Pkf)