Словакія в 2024-ім році знайшла ся на 59-ім місці в рамках Індексу сприниманя коруцпії, котрый шторік зоставлює орґанізація Transparency International. В поріваню з історічно найліпшым місцьом в році 2023 – 47-ым, іде о погіршіня о 12 місць. Найліпше в оцінці скінчіли Данія, Фінландія, Сінґапур і Нова Зеландія. Словакія досягла скоре 49 із 100, о пять пунктів менше як в році 2023. Із сусідніх країн ліпше скінчіли Австрія, Чеська републіка і Польща, гірше од Словакії скінчіли Мадярьско і Україна. Середнє чісло членьскых держав Европской унії в порівнаню з роком 2023 ся знижыло о два пункты, на 62. Цілосвітово є уровень корупції подля орґанізації алармуючо высока.

(Медвідь, TASR)