Словацька пошта упозорнює обчанів на підводны понукы роботы, котры ся шырять по соціалных сїтях в менї Словацькой пошты. Незнамы особы в тім повязаню пожадують заслати дуплікаты особных докладів просто через соціалну сїть. Інформовала о тім говоркыня пошты Івета Дорчакова. ,,Словацька пошта нїґда не робила наборову дїялность робітників такым способом а нїґда не пожадує засланя дуплікату особных докладів посередницьтвом соціалных сїтей. Обчане бы мали давати позор а нереаґовати на підводны робочі понукы,” высвітлила Дорчакова. Зарівно додала, же кедь ся обчан чує быти підведженый їднанём незнамых особ, мав бы контактовати поліцію.

(TASR, Шутіова)