Міністер обороны СР Ярослав Надь підписом вердікту одтаїв дослідницькый спис найвекшой літецькой траґедії в історії Словакії – гаварії воєньского шпеціалу AN-24 на горі Борсо при мадярьскім селі Гейце. По 14 роках так было сповненый желаня жадостям обчаньского здружіню і субєктам, котры за одтаїня боёвали рокы. Одтайненый спис буде занедовго опублікованый і на інтернетовій сторинці резорту обороны. Пресову аґентуру TASR о тім інформувала говоркыня міністерства Мартіна Коваль Какашчікова. (TASR, Pkf)