СР є честным гостём меджінародного книжнёго фестівалу в Будапешту
Словацька републіка є честным гостём 27. Будапештьского меджінародного книжнёго фестівалу, котрый у четверь отворили на выстависку Мілленаріс в ІІ. будапештьскім обводї. Подля сервера Infostart.hu є цїлём штири днёвого фестівалу потїшыти людей а указати їм надїй в актуалній господарьскій сітуації, інформує справодайця TASR в Будапешту. Протягом штирёх днїв представлять на честнім подію фестівалу мадярьскый переклад 29 словацькых дїл а десять дїл мадярьскых писателїв жыючіх на Словакії. В проґрамі фіґурує розговор о сучасній словацькій, чеській і мадярьскій літературї, презентація мадярьскых перекладів дїл словацькых авторів, діскусія о рїшіню травм посередництвом літературы а буде ся говорити і о підпорї літературы на Словакії. На фестівалї ся презентує 130 выставователїв а 40 загранічных писателїв. Ёго орґанізаторы приготовили 150 рїзных подїй.
(TASR, Шутіова)
-
Назад / Nazad Шпыталї о кількости выповідей не говорять, дакде їх іщі не доручіли
-
Далше / Dalše Днесь минуло 260 років од народжіня Антона Бернолака, кодіфікатора першой списовной формы словацького языка