Од вчерашнього дня платить новый режім на граніцях. Найвыразнішый выняток будуть мати пендлеры, котры роблять в найближшых країнах, як Чесько, Мадярьско, Польско і Ракуско. По вступі на Словеньско буде повинна 14-дньова карантена. Тота може скінчіти і скорше, кедь дана особа буде мати неґатівный тест. На причіні є шыріня небезпечных мутацій коронавірусу, котры подля міністерства здравотництва можуть быти наказливішы і смертельнішы. Уж перед вступом на Словеньско каждый мусить выповнити формулар e-hranica, котрый може контрольовати поліція. Через граніці мож переходити з неґатівным тестом не старшым як сім днів, в тім припаді ся не мусить выповняти формулар e-hranica. (TASR, A. Kuzmiaková)