До Валентіньского дарованя кырви ся у свідницькім шпыталю бігом двох одберовых днїв 10. і 17. фебруара запоїло цїлково 132 дарцїв, з того 24 были першодарцёве. Протягом обидвох днїв завитало до шпыталя по десять пар. TASR о тім інформовала говоркыня сїтї шпыталїв Світ здравя Яна Федакова. ,,Свідницькый шпыталь барз краснї дякує вшыткым дарцём і досправды сі їх поміч важыть. Высше 130 до кампанї запоєных дарцїв є красне чісло а є передовшыткым великым прoявом доброй волї людей, котры вырїшили помочі іншым в часї їх хвороты ці наглого огрожіня жывота,“ увела Федакова.

(TASR, Шутіова)