Турістічны канцеларії достануть выше рока на то, абы вырішыли зрушіня заяздів про сітуацію коло нового коронавірусу. Выпливать то зо закона о заяздох, котры в середу (27. 5.) підписала презідентка СР Зузана Чапутова. Як про выняткову сітуацію на Словакії або про подобну сітуацію в цільовім місці трасы заязду неє можность дати путуючому основны знакы служб турістичного руху, турістична канцеларія може заказникові запропонувати зміну договору о заязді або му загнати ознамліня о награднім заязді, як путуючій неприйме пропонувану зміну договору.  Турістична канцеларія є повинна договорити ся з путуючіма на можности алтернатівного заязду найпізніше до 31-го авґуста 2021-го року. В сітуації, же ся так нестане, платить, же турістична канцеларія од договору одступила і є повинна путуючому вернути вшыткы платбы найпізніше до 14-го септембра 2021-го року. (TASR, Pkf)