x

Фірмі Цімбаляк іншпекція позаставила выробу Спішскых парків

00

Штатна ветерінанрна і потравінарьска справа робила урядну контролю Спішскых парків девятёх значок. Контроля перевказала, же і наперез неєднотности рецептуры у дакотрых выробків, были вшыткы тестованы взоркы беспечны. Єдному з выробців, компанії Цімбаляк, была позаставлена платность охранной знамкы. У выробку быв низше проценто чістой сваловины, яка подля охранной знамкы мусить быти мінімално 80 процент а притомна была і кошелінова червена фарба, яка є не в рецепрутї поволена. На пресконференції в четверь о выслїдках контролї інформовала віцерпремєрка і міністерка подогосподарьства Ґабрьєла Матєчна: „Урядны тесты, котры зробила Штатна ветерінарна і потравинарьска справа перевказали, же три выробкы абсолутно сповнюють рецептуру, котра є дана, два выробкы мали меншы похыбіня, три выробкы мали єдно важнїше похыбіня а єден выробок мав дві заважны похыбіня“. Дале конштатовала, же в припадох де дішло к похыбіням выробців зачне Штатна ветерінанрна і потравінарьска справа справне дїяня а сполочности будуть мусїти безодкладно зробити направны опатрїня. Выробця подля нёй мусить забеспечіти якость і зложіня преміового выробку а не може собі доволити не дотримовати рецептуру.
(TASR)

Прочітайте собі / Pročitajte sobi