В сучасности є на поміч Централному крізовому штабу СР насадженых цїлково 405 членів Озброєных сил СР. Притомны суть наприклад на многых гранічных переходах чі в шпыталях. TASR о тім інформовав тисковый одбор міністерства обороны. На поміч уж была насаджена і летецька техніка Воздушных сил Озброєных сил СР, котра додавать здравотницкый матеріал до шпыталїв на цїлій теріторії Словеньска. За послїднї днї перевезли професіоналны вояцї уж веце як 70 тон здравотницкого матеріалу. Окрем того зачав резорт обороны і з приправов новых санітарів. Протягом трёх тыжднів планує вышколити до 150 особ, котры ся будуть годни в змыслї штандардів NATO постарати цїлково аж о 3500 паціентів.

(TASR, Шутіова)