Презідентка СР Зузана Чапутова зважыть вшыткы дальшы можности свого поступу, абы новела Трестного закона ненадобыла силу. Єй приятя в парламенті означіла за злу справу про Словакію і вшыткых єй жытелів. Пресаґентуру TASR о тім інформував єй говорця Мартін Стріженец. Єдночасно высловила знепокоїня над тым, же коалічны посланці невыслухали голос публікы і одборників і нестягли матерял з їднаня. Новела в області трестного права без одборной опонентуры може подля єй слов запричінити цілосполоченьскы шкоды і незвратны засягы до прав особ пошкодженых трестным діяням. (TASR, Pkf)