Штат уволнить зо штатных гмотных резерв ропу про братіславску рафінерію Slovnaft в обємі до 250 000 тон. В реакції на перерушіня додавок ропы роповодом Дружба о тім в середу вырішыла влада, кедь вєдно з тым выголосила став ропной нуджі. На пожычку ропы рафінерія зложыть фінанчну забезпеку або заруку з банкы в єй евіденчній цінности. Роповод Дружба быв на україньскій теріторії пошкодженый з прічіны воєньского конфлікту з Російов іщі кінцьом януара і дотепер не были додавкы обновлены. Slovnaft може ропу доважaти окрiм Дружбы і через роповод Adria, котрый але дотепер хосновав лем на алтернатівны додавкы і покрывав ним вєдно зо свов матерьсков сполочностьов MOL лем меншу часть выробы. (TASR, Пкф)