Міністер внутрішніх справ Матуш Шутай Ешток решпектує высловы презідента Словацькой републікы Петра Пеллеґріні о такзваных ковідовых амнестіях. Міністер на понедільковій пресконференції повів, же амнестії мали быти в Проґрамовім выголошіню влады і представлюють сімболічну точку за цілым „нещастным манажованьом“ пандемії. Подля Шутая Ештока было много людей почас пандемії несправедливо санкціонованых. Підкреслив, же ковідовы амнестії реаґують на вырок Конштітучного суду, же были порушованы людьскы права. Презідент в суботу крітіковав закон о одшкодніню штрафів за порушіня наряджінь почас пандемії, котрый минувшый тыждень схвалили в парламенті. Буде мати важну проблему підписати тот закон.

(Медвідь, TASR)