Мадярьско в остатнїх роках все проглубує свою господарьску кооперацію з босняньсков Републіков серьбсков. Подля аґентуры MTI то выголосив председа мадярьской влады Віктор Орбан у четверь по тім, як прияв презідента РС Мілорада Додіка. Орбан з Додіком на стрїчі згоднотили покрок в обойстранно выгодных білатералных землегосподарьскых, енерґетічных і господарьскых проєктах, інформовав комунікачный одбор премєра. Мадярьскый міністерскый председа підкреслив, же стабіліта Републікы серьбской є ключова про утриманя міру і безпечности на цїлім западнім Балканї.,, Републіка серьбска хоче будовати економіку з тыма, котры нам розумлять а решпектують нас,“ увів лідер босняньскых Сербів в середу на платформі X а додав, же Мадярьско є днесь сімболом штатной політікы, котра хранить своїх людей, свої граніцї і свій способ жывота а зато є природным споєнцём РС.

(TASR, Шутіова)