Презідентка Словаькой републікы Зузана Чапутова в понедільок прияла директора Словацькой інформачной службы (SIS) Владиміра Пчолиньского. Бісідовали о вывої  в Европскій унії і мімо ньой, і о безпечностных грозьбах, котры з того вывоя про нас выходять. Діскутовали і о безпечностній сітуації на Словакії, боротьбі проти корупції і подозрілых діянях в области охраны жывотного оточіня. Голова державы о тім інфомровала на соціалній сіті. Як презідентка доповнила, важнов частьов їй роботы є мати потребны інформації о тім, што діє ся актуално у нас і за нашыма граніцями. З директором SIS ся зато вже почас його першого приятя в Презідентьскім палаці договорили, же ся будуть реґуларно стрічати і діскутовати.

(Медвідь, TASR)