Міністер загранічных діл і европскых справ Словацькой републікы Іван Корчок є днесь в Словенії. На позваня шефа словіньской діпломації Анже Лоґара бере участь на їднаню з міністрами загранічных діл Чеськой републікы, Мадярьска, Австрії і Словенії. Міністры мають обговорити актуално приниманы крокы односно пандемії, бісідовати мають і о економічній обнові своїх держав з апекту проґраму Европской унії про будучі ґенерації, як і о далшых можностях співпраці в реґіоналнім контексті. Темов їднань суть і актуалны вопросы меджінародной політікы – сітуація в Білоросії, на западнім Балкані, і у выходнім Середньоморю.

(Медвідь, TASR)