Высокый комісарь OSN про людьскы права Волкер Турк у четверь увів, же заказы вступу до США про обчанів з 12 держав, котры завів америцькый презідент Доналд Трамп, выкликують обавы з погляду меджінародного права. Трамп в середу підписав тзв. путёвый заказ, котрым од понедїлька 9. юна знеможнить до США вступ людём з держав загорнюючіх Афґганістан, Іран ці Ємен. Цїлём превентівных кроків є ,,хранити Америчанів перед небезпечныма актерами,“ ознамив Білый дім. На заведжіня заказу быв подля Трампа імпулз недїльного терорістічного атаку в містї Боулдер в штатї Колорадо. Турк тыж крітіковав способ, якым Білый дім превентівны крокы ознамив. Грозить подля нёго різіко стіґматізації обчанів тых держав в Споєных штатох і інде у світї а підвышує ся правдoподобность, же будуть выставлены ,,ксенофобным проявом“.

(TASR, Шутіова)