Аж 75 процентів обывателів Словакії ся чує быти обывателями Европской унії. Выпливать то з дослідженя Евробарометра, котрый досліджував обще мнінія о унії на ярь і на осінь 2017. На ярь ся обывателями Европской унії чуло о дашто менше Словаків як на ярь, а то 72 процентів. “Аж три четвертины респондентів на Словакії одповіли, же ся чують быти обывателями Европской унії. Словакія є в данім вопросі над серединов Европской унії,“ повів то Александер Карвай з аґентуры Кантар ТНС. Высоку міру чутя быти обывательом ЕУ мають і Полякы і Венґрійці, навпакы Чехы ю мають низьку, лем 38 процентів. На основі дослідженя вірило Европскій унії на осінь минулого рока 48 процентів Словаків, што є бівше як в ярї. Бівше довірюють Европському парламенту як Народній раді СР і згодно бівше вірять Европській комісії як словацькій владі. За найпозітівнішы выслідкы Унії важають Словакы вольный погыб людей, товару і служб і евро. При невыгодах споминають бірокрацію і розтрачуваня грошей.
(TASR)