Ветераны протикомуністічного одбоя і їх прибузны мають здобыти єдноразовый приплаток ку доходку в сімболічній вышцї 1989 евр. Выходить то з новелы закона о приплатку ку доходку політічным арештантам, котрый у четверь схвалили посланцї Народной рады СР. Ветеранам ся мать тыж підвышыти приплаток ку доходку зо сучасных пять на десять евр за каждый місяць обмеджіня особной слободы. Священици і регольници, котры были інтернованы в монастырях протягом тзв. акцій К а Р бы мали тыж здобыти єдноразовый приплаток у вышцї 1989 евр. Особы, котры здобудуть нарок на приплаткы, ся будуть мочі обернути на Інштітут памяти народа, причім выплачати їх наслїдно мать Соціална поіщовня. Нарок на приплаток взникне і позосталым особам по ветеранови.

(TASR, Шутіова)