Влада Словацьой републікы в понедільок схвалила своє Проґрамове выголошіня влады. До парламенту з ним предступує днесь, кедьже депутаты мусять голосовати за даный документ, чім ся высловлює довіра владі. Словакія подля Проґрамового выголошіня влады хоче суверенно, в контексті членства в Европскій унії і НАТО, продовжати в загранічній політіці на вшыткы штири світовы стороны, єдночасно хоче кабінет рядити ся геслом Словакія на першім місці. Влада хоче заховати дві процента грубого домашнього продукту на оборону, переоцінити судну мапу, хоче довгодобу стратеґію розвитку здравотництва ці стабілізацію фінанчной сітуації. Проґрам обсягує і можность зміны волебной сістемы на Словакії, ці розділіня RTVS на дві інштітуції – Словацьку телевізію і Словацьке радіо.

(Медвідь, TASR)