Нулова толеранція екстремізму і ясный порядок на інтернеті, де може быти безтрестне шыріня насилности, екстремістичных думок і ображаня людей іншой фарбы лиця ці реліґії є задача, котра чекать словацьку общность в найближшїм періоді, а то є путьов спрісніня леґіслатівы. Стотожнили ся на тім в середу в Банскій Быстиці троє найвысшы уставны чинителі, презідент Андрей Кіска, председа Народной рады СР і председа влады Петер Пелеґріні з представителями політичных, общостных академічных інштитуцій ці ціркві. Як підкреслив Петер Пелеґріні „Мы сьме сі даякым способом привыкли, же маме два світы. Єден фізічный, де ся видиме, познаме свої мена, поводимеся по закону і правилам слушного поводжіня. А потім є тот діґіталный, де незнам, на основі чого сьме собі подумали, же там існують іншы правила. Най собі каждый повість, што хоче, маме слободу слова, але під своїм меном, а най собі зато несе і одповідність. То неє атак на слободу слова.“
(TASR)
Фото: TASR