В будучорічных парламентных вольбах бы мало кандідовати 25 політичных партій, рухів і коаліцій. Міністерство внутра СР од даных субєктів прияло пропозиції кандидачных гарків, як і волебну кавцію. Термін на подаваня минув вчера, 1-го децембра о півночі. Пресову аґентуру TASR о тім інформували з пресового одбору  Канцеларії Міністерства внутра СР. Штатна комісія про вольбы і контроклю фінанцованя політичных партій буде засідати в пятницю 6-го децембра. На засідані комісія гаркы перевірить і вынесе рішеня о їх реґістрації. Малы бы тыж вылосувати чісла, під котрыма будуть партії кандідовати. З кандідатков мусіли політичны субєкты заплатити волебну кавцію 17.000 евр. Верне ся тым партіям, котры достануть у вольбах мінімально два процентів голосів. Парламентны вольбы ся одбудуть 29-го  фебруара 2020-го року. (TASR, Pkf)