x

В селах будуть мочі фунґовати молодежницькы парламенты і рады сеніорів

00

Сельске заступительство буде мати по новім можливость зрядити новы орґаны села, а то сельскый молодежницькый парламент і раду сеніорів. Выходить то з новелы закона о сельскім зряджіню, котру у четверь схвалили посланцї НР СР. Посилнити ся мать тыж поставлїня школьского парламенту, мать іти о орґан репрезентуючій школярїв школы. Детайлы о фунґованю, зложіню, членох і їх одмінёваню, правах і задачах сельского молодежницького парламенту і радї сеніорів мать управовати сельске заступительство. Сучасны школярьскы школьскы рады ся подля новелы стануть школьскыма парламентами. Нова леґіслатіва мать быти платна од 1. януара 2022 р.

(TASR, Шутіова)