Традична путь, котра ся одбывать реґулярно з нагоды юлового свята Навщівіня Панны Марії в Базіліці на Маріяньскій горі в Левочі, буде тот рік без обмеджіня. Інформує о тім Пресова канцеларія Конференції єпіскопів Словеньска на своїй інтернетовій сторинці.  Главным моттом путі буде думка “Родинной ласкы: поволаня і драга святости,“ увів говорця Спішской дієцезы і священник левочской фарности Петер Майхер. Од 26-го юна до 3-го юла ся одбудуть на місці святы омшы з выступлінями тематічні заміряныма на манжелство і родину. В часі кулмінуваня Маріянской путі, 2-го і 3-го  юла, буде платити заказ вязду про моторовы авта на Маріянску гору. Путниці будуть мочі іти лем пішкы. (TASR, Pkf)