x

Вояци СР цвічать і з участёв многонародной боёвой ґрупы NATO

00

І з участёв членів многонародной боёвой ґрупы NATO, котра была вытворена лем недавно як реакція на войну на Українї, ся в тых днях одбывать в просторї Лешть цвічіня Словацькый штїт 2022. Бере на нім участь высше 1200 словацькых вояків, асі 200 вояків з Чехії а приближно 200 америцькых вояків. Як в рамках медіалного дня інформовав велитель словацькых поземных сил, ґенералмаёр Іван Пах, Словацькый штїт 2022 мать дати можность перецвічіти вшыткых велителїв і штабы поземных сил в рїшіню, плановачіх поступах а велїню і ряджіню сполочных операцій высокой інтензіты в наднароднім середовищу. Можность цвічіти з чеськыма і америцькыма вояками але не є про словацькых вояків ничім новым. ,,Цвічіме з нима практічно уж рокы а сполупраца є барз добра,“ припомянув словацькый ґенерал. Різны способности, котры на Словакію приходять од інакшых армад, подля Паха словацькым вояків все обогачіють.

(TASR, Шутіова)