Владны новинкы, котрых выникнутя оголосив премєр Іґор Матовіч якбач дістануть конкуренцію. Представителі мімопарламентных партій Алойз Глина і Томаш Друкер рихтують їх противагу – Опозічны новинкы. Про аґентуру TASR то потвердили обидвоми політіци. Як повів Алойз Глина, покля будуть владны новинкы, пак будуть і опозічны, бо за його словами демокрацію треба хоронити. Новинкы мають быти подля Глины фінанцованы з пріватных жрідел. До поштовых скринок бы мали ходити приблизно два тыждні по владных новинках, жебы собі люди, за словами Алойза Глины, зробили свій погляд і дізнали ся і погляды мімо владной пропаґанды. Глина потвердив їднаня з Друкером, але і з іншыма політіками, котрых мена не конкретізовав. Думку премєра крітікує, повів, же є на уровни білоруського презідента Лукашенка. Бывшый председа Хрістіаньско-демокраітчного руху ся чудує, же владны політіци были согласны з марнованьом публічных жрідел на владну пропаґанду в часі крізы.

(Медвідь, ТASR)