Турецькый презідент Рецеп Таїп Ердоґан на стрїчі з російскым презідентом Володимиром Путїном у четверь в Астані пропоновав, же в сполупраці з Росіёв бы могли в Турції выбудовати уж другу ядерну електрарню. Єдну в сучасности ставляють, єй отворїня ся очекує на будучій рік, інформує о тім TASR подля справы аґентуры AFP. Турція ся не хоче припоїти ку санкціям западнїх країн проти Росії за єй інвазію на Україну а намісто того з нёв в проходячіх місяцёх підписала веце договорів, котры вели ку підвышіню турецького експорту до Росії о веце як 100 процент, упозорнює брітаньскый денник The Guardian.

(TASR, Шутіова)