Горьска захранна служба мать десать новых теренных авт. Передала їх вчера в Братіславі міністерка внутра Деніса Сакова. Вісем прівесных кінолоґічных возиків на транспорт псів мать Горьска захранна служба роздістрібуованых уж од минулого тыждня по єднотливых областных центрах. Як увела Сакова на соціалных сітях, іде о якістну  техніку, котра є неоддільнов частьов роботы Горьской захраной службы. Тота техніка єднозначні злекшыть роботу горьскым рятовникам. Шефка резорту внутра підчеркла, же Горьска захранна служба мать річно вецей як 800 выяздів, но як будуть говорити і о тых, котры мають на лижарьскых дорогах, так їх чісло ся звышыть аж на 3000. (TASR, Pkf)