Польска гранічна сторож пожадала владу о посланя далшых 1000 вояків на граніцю з Білорусьов. Мають помочі з рішіньом проблемы роснучого чісла проб о нелеґалынй переход до Польщі, пише аґентура ТASR. Гранічна сторож твердить, же лем в тім році граніцю з Білорусьов пробовало перекрочіти найменше 19 000 людей. Іде о значне нароснутя в порівнаню з минулым роком, коли такых проб было 16 000. Лем за минулый місяць гранічна сторож зазначіла приблизно 3 900 такых проб. Шеф російской жодлнірьской Ваґнеровой ґрупы Євґеній Приґожін єдночасно в юлі оголосив, же зачав з цвічіньом білоруськой армії в намазі зробити з ньой „другу найліпшу армію світа“. Польске Міністерство обороны уж в попередніх тыжднях послало ку тым граніцям понад 1000 вояків, і то якраз із страху з можливой присутности Ваґнеровой ґрупы в Білоруси.

(Медвідь, TASR)