До ареалу Доправного поднику міста Пряшів (DPMP) дойшли в пятницю, 22-го септембра, першы два електрічны мідібусы о довжині девять метрів. Цілково їх буде пять і вычеряють стары нафтовы. Як про пресаґентуру TASR  інформував говорця DPMP Владімір Томек, перед їх даням до превадзкы буде треба безодкладно выконати адміністративны крокы повязаны з реґістраційов авт, і тыж зашколіньом робітників на їх обслугу, удыржбу і оправу.  Споминаный електрічный мідібус SOR EBN 8 мать вєдно капаціту 53 путуючіх, з котрых може 16 людей сідіти і 37 стояти. Ґарантованый доязд електробусу на єдно добытя є 130 кілометрів. Фінанцованя накупу было забезпечене з 95 процент завдякы Інтеґрованому реґіоналному операчному проґраму, звышных пять процент зафінанцовав доправний подник з властных джерел. Цілкова сума заказкы є 1.946.188,73 евр без DPH а ціна єдного мідібусу є 381.499,75 евр без DPH. (TASR, Pkf)