В понедільок 25-го септембра владыка Петро Руснак, апостольскый адміністратор Пряшівской архієпархії і братіславскый єпарха, брав участь на святочнім одкрытю 1-ой етапы северного обхвату Пряшова на скоростній дразі R4. Вєдно із римокатолицькым архієпіскопом Бернардом Бобером поблагословили нову драгу, в рамках котрой є і новый тунел Бікош. Владыка Петро спомянув у своїм приговорі, же сама молитва і поблагословліня свяченов водов не мають „чарівный ефект“, же одтеперь на даній дразі не буде жадной гаварії. В першім шорі собі каждый, хто буде тадыль іти автом, мусить усвідомити, же авто в його руках може быти хосенным средством транспорту, але і збройов, котров може запричінити смерть собі, але і невиноватым людям.

(Медвідь, ISPA)