Коло 720.000 школярів ся днесь вернуло до школскых лавок в школскім року 2023/2024. В часі того рока будуть аплікованы різны зміны. Новый  школскый рік отворив міністер школства Даніел Бутора на основных школах (ОШ) в Брезовій під Брадлом і у Зволені. На Словакії наступило до ОШ коло 507.000 школярїв і далшых скоро 215.000 школярїв на середні школы. До школскых лавок собі сіло по першый раз 60.058 школярів, іде о першаків ОШ. Резорт школства авізує, же новый школскый рік принесе наприклад поступову аплікацію сістему підпорных опатрінь, новый спосіб оправдаваня непритомности дітей ці новы матерялно-спотребны нормы і рецептуры про дієтне стравованя. На выбраных ОШ тыж одштартує курікуларна реформа. (TASR, Pkf)