Mірна місія НАТО в Косові (KFOR) остерігала в понедільок Пріштіну в повязаню із свіжым накупом дронів з Турції. Упозорнила єй, же косовскый воздушный простор зістає під контрольов місії, пише аґентура AFP. Косовскый премєр Албін Курті оголосив накупліня дронів Bayraktar TB-2 в неділю. Як пише місія KFOR у своїм выголошіню, в повязаню з хоснованьом дронів вшыткых катеґорій і з тым повязаных обмеджінь включно дронів Bayraktar TB-2 має командант косовскых сил KFOR прімарны права над воздушным простором Косова. Сітуація в Косові зістає напружена по дакількомісячных протестах в областях населеных переважно Сербами. При майовых стрічах з етнічныма Сербами было пораненых понад 30 вояків місії НАТО.

(Медвідь, TASR)