Пряшівськый самосправный край (ПСК) приїмать до 30-го септембра номінації на ціну ПСК. Найвысше крайске оцініня за рік 2023 можуть здобыти вызнамны особности ці колектівы, котры ся заслужыли  о розвой і репрезентацію Пряшівского края дома і в заграничу. Пресаґентуру  TASR о тім інформувала говоркыня края Даша Єленьова. О лавреатах Ціны ПСК вырішують посланці на своїм октобровім засіданю, і то на основі рекомандації Комісії про призначуваня публічных  оцінінь ПСК. В минулім року Ціна ПСК была призначена  неурохірурґові Юрайові Штеньові, умелецькому сохарьовї Янові Леснякові, камераманові і режісерові Ладіславові Цсікиму, ін меморіам, співачкі Катаріні Кошчовій, умелецькому скларьові Янові Зорічакові ці председничкі Крайской орґанізації Jednoty dôchodcov Slovenska Анні Петрічовій. Ближшы інформації на номінованя на оцініня суть доступны на інтернетовім сайті ПСК. (TASR, Pkf)