Скоро 40 лялёк облеченых в словацькых кроёх сі можуть пообзерати навщівници Вігорлатьской бібліотекы в Гуменнім. На вебовій сторінцї міста о тім інформує Маріян Шкуба з тискового реферату Містьского уряду в Гуменнім. ,,Кедьже од укончіня проєкту з назвов Чаро кроёваных лялёк уж перешов довгый час, была потрібна реконштрукція збіркы. Днесь вміщать 151 лялёк облеченых в словацькых кроёх. В просторах Вігорлатьской бібліотекы на приземю як часть оддїлїнь про дїти і молодеж а красной літературы про дорослых є выставленых 37 кроёваных лялёк,“ увів Шкуба. Проєкт взникнув в рамках проєкту Мінікрої. Выстава є верейности приступна до 29. септембра.

(TASR, Шутіова)