День боя за слободу і демокрацію, як і жертвы тоталітного режіму сі протягом четверя припомянули в Братїславі на многых місцях пєтныма спомінками. Наприклад при Бранї слободы під Девіньскым градом а на цінтерї в братїславскій Вракуни. На подїях з нагоды 17. новембра брали участь і заступцёве штату, Конфедерації політічных арештантів Словакії ці Союзу протикомуністічного одбоя, самосправ і далшых здружінь. Председа НР СР Боріс Коллар (Sme rodina) коло памятника поправленых і умученых політічных арештантів у Вракуни підкреслив, же бы сьме не мали забывати на злочіны минулого режіму. Припомянув і долї жертв комунізму.

(TASR, Шутіова)