На початку днешнього засіданя Народной рады Словацькой републікы пропало веце пунктів, дакотры про неприсутность депутатів у пленумі, іншы одложыли. Рано было в парламенті лем коло десять депутатів. По куртій перерві зачали їднати о новелі закона о посуджованю впливів на жывотне оточіня. Пропав пункт о новелі карного порядку, ці пункт міністра фінанцій о дані з выгоды здобытой в дослідку шпеціаной сітуації на рынку з ропов. З причіны неприсутности пропали і пропозіції депутата Мірослава Коллара. Актуалне засіданя бы мало быти перерване по голосованю о 17.00 год. до 10-го януара. Державный розрахунок на слідуючій рік подля председы парламенту Боріса Коллара правдоподобно схвалить ся аж по 10-ім януарі.

(Медвідь, TASR)