Міністерство жывотного окружіня Словацькой републікы передовжыло леготу на приголошованя ся до выберовых дїянь на новых директорів девятёх справ народных парків. Жадость довєдна з проєктом можуть інтересуючі посылати до 22. авґуста. TASR о тім інформовало тискове оддїлїня резорту, котрый сучасно управив пожадавкы на чекателїв. Кандідаты по новім мусять сповнити условія будь мінімалной штири  рочной праксі в области охраны природы і країны ці лїсництва, або мати мінімално штири рокы директорьской праксі. Мусять передложыти писомну концепцію розвитку і ряджіня справы выбраного народного парку. Енвірорезорт подля властных слов буде окремо інформовати чекателїв, котры уж послали свої жадости до выберовых дїянь.

(TASR, Шутіова)