Здравотны одводы про заместнавателів, окремо заробітково чінны особы і такзваных самоплатців бы ся могли підняти лем дочасно, а то до кінця року 2027. Выходить то із позмінюючой пропозіції Владиміра Балажа, із партії Smer-SD, ку новелізації закона о здравотнім поіщіню, котру днесь схвалив парламентный выбор про здравотництво. Рекомендує то схвалити парламенту. „Піднятя сумы про заместнавателя, окремо заробітково чінну особу і самоплатцю ся пропонує лем на період од 1-го януара 2024-го до 31-го децембра 2027-го року як переходный крок маючій за ціль стабілізацію публічных фінанцій,“ пише ся в матеріалі. Сума на поіщіня має од нового року підняти ся о єдно проценто. Таке піднятя подля міністеркы здравотництва Зузаны Долинковой принесе сектору 357 міліонів евр навеце.

(Медвідь, TASR)