Устны матуры ся про сітуацію з новым коронавірусом в актуалнім школьскім роцї не одбудуть в класічній формі. Годночіня на матурітнім высвідчіню взникне посередницьтвом прємеру концорочных знамок із вшыткых рочників і піврочных знамок з остатнїх двох рочників з предмету або ґрупы предметів. У четверь о тім на тлачовій конференції інформовав міністер школства Бранїслав Ґроглінґ (SaS). ,,Класічну„ матуру абсолвують штуденты, котры з выслїднёв знаков не будуть согласны.

(TASR, Шутіова)