x

В Пряшові отворять выставу о гуманітарній помочі людём на Українї

00

Выставу фотоґрафій, котры укажуть реаліту войны, утеченецькой крізы і помочі, сприступнять днесь в Катедралї св. Йоана Крестителя в Пряшові з нагоды першого року од зачатку воєньской інвазії російской армады на Україну. TASR о тім інформовав говорця Пряшівской архієпархії Михал Павлішіновіч. ,, Владыка Петер Руснак, апоштольскый адміністратор Пряшівской архієпархії, позывать віруючіх в тот день ку посту і молитві за покой і мір на Українї. В Катедралї св. Йоана Крестителя в Пряшові ся буде владыка Петер о 15.30 г молити молебен на тот умысел, по котрім буде наслїдовати молитва панахіды за вшыткы жертвы той незмыселной войны,” повів Павлішіновіч. Частёв подїї буде і отворїня выставы фотоґрафій, котры укажуть реаліту войны, утеченецькой крізы і помочі, котра была в тім повязаню зреалізована зо страны ґрекокатолицькых віруючіх. Єй назва є Квапка радости.

(TASR, Шутіова)