Міністерка справедливости Марія Коликова собі знать представити дебату о повиннім щіпіню проти хвоторы COVID-19 про особы над 12 років. Припадне запроваджіня цілодержавной вакцінації бы подля ньой было добрі управити окремым законом. Повіла то в понедільок на пресконференції. За словами міністеркы є леґітімным бісідовати о цілодержавнім щіпіню, нелем о ґрупах професій, котры суть важны про фунґованя державы. При запроваджіню вакцінації про дакотру вікову ґрупу бы было подля Коликовой потрібне дослідно оцінити вікову граніцю. Думать, же щіпіня про особы над 12 років бы было в дачім юрідічно простіше. Додала, же іде о їй особный погляд, в партії SaS іщі о тім вопросі проходить діскусія.

(Медвідь, TASR)