Председа парламенту Борис Коллар одкрыв днесь друге засіданя Народной рады Словацькой републікы. В проґрамі є зволіня остатніх двох підпредседів парламенту, бракуючіх председів і членів выборів, як і зложіня присягы заступниками тых депутатів, котры через вікенд стали членами влады. Номінантом SaS на підпредседу парламенту є Мілан Лауренчік, за опозіцію кандідує бывшый премєр Петер Пеллеґріні з партії Smer-SD. Діскусія буде в пленумі обмеджена. Депутаты схвалили пропозіцію Штефана Куффы од котлебовців, жебы выступліня каждого скоротило ся на час фактічной позначкы, значіть на дві минуты. Депутаты носять в пленумі надалше охранны маскы ці рукавіці. Перед вступом до салы мають обвязок поужыти дезінфекчный ґел на чіщіня рук.

(Медвідь, TASR)