Презідент Андрей Кіска у своїм прояві в рамках 73-го засіданя Валной громады Орґанізації зъєдиненых народів замірять ся на зодповідность лідрів країн, як і потребу спаяня в намазі рішыти ґлобалны проблемы. Повів то в понедільок новинарям почас подорожіня до Ню Йорку. „У своїм приговорі ся хочу заміряти на три пункты. В першім шорі треба дотримовати правила і прінціпы, котры собі ОЗН при своїм выникнутю встановила. Покля бы сьме тоты правила дотримовали, многы конфлікты і проблемы бы сьме могли обыйти. Другым пунктом є зодповідность. Зодповідность нас, лідрів країн за то, в якім світі находиме ся, в якім жыєме. Тото третє, подлю мене найважніше, є спаяня ся,“ повів Кіска. За думками презідента в днешнім світі ани тота найвекша держава основны великы проблемы як міґрація, теорізм, кліматічны зміны або докінця і господарьскый розвиток не докаже вырішыти сама, і зато ся треба спаяти і вєдно проблемы рішыти. Кіска выступить в рамках засіданя Валной громады по четвертый раз 26-го септембра.
(TASR, Медвідь)