Міморядну сітуацію в повязаню з хворотов COVID-19 бы могла влада зрушыти в середу з платностьов од пятніці. Зрушіня поможе при выгощіню міґрантів з іншых країн як Сірія, де є война. По засіданю Централного крізівого штабу о тім інформовав у понедільок премєр Людовіт Одор. Зрушіня іщі перед передложіньом на владу мусить схвалити презідентка Зузана Чапутова. За словами премєра, покля буде міморядна сітуація зрушена, Словакія може адміністратівно выгощовати нелеґалных міґрантів, што дотулять ся дакілько десяток особ. Дотеперь нелеґалных міґрантів выгостити не мож было про платну міморядну сітуацію повязану з пандемійов. Міморядна сітуація была выголошена владов іщі 12-го марца 2020-го року.

(Медвідь, TASR)