Скоро три міліоны антіґеновых тестів на захворіня COVID-19 про потребы плошного тестованя і дальшый здравотницькый матерял привезло на братіславске летіско днесь рано накладне летадло Антонов An-124 Ruslan. Озброєны силы СР дістрібують матерял властныма средствами на призначены реґіоналны штабы і дале уж прямо на місце тестованя на Ораві і в Бардейові. Окрім того вояци в сполупраці зо самосправами продовжують і в орґанізачных приправах пілотного тестованя. Пресову аґентуру TASR о тім інформувала говоркыня міністерства обраны Мартіна Коваль Какашчікова. (TASR, Pkf)