Словакію навщівить 7-го аж 9-го марца голандьскый краль Віліам-Александер зо женов Максімов. Навщіва ся одбуде з нагоды 30-го выроча незалежности СР і меджі єй главны темы буде патрити слобода пресы, підпора Україны і господарьска сполупраца, увела про пресаґентуру TASR голандьска амбасадорка на Словакії Ґабріелла Санцісіова. Обідві країны подля ньой кладуть акцент на переход на обігове господарьство, бой проти кліматічній зміні і на охрану біодіверзіты. З девятіма міліярдами евр інвестованыма на Словакії є Голандія єдным з найвекшых тамтешніх інвесторів, причім голандьскы фірмы ту давають роботу веце як 4000 людей. (TASR, Pkf)