В понедільок пришли на Словакію першы чеськы вояци в рамках посилньованя выходной граніці НАТО. Довєдна на Словакію пришло приблизно 200 вояків, котры будуть у выцвіковім центрі Лешть. Інформовав о тім міністер обороны Ярослав Надь. За словами міністра в далшых днях буде наповньовати ся мандат, котрый дала Народна рада Словацькой републікы на діяня аліанчных вояків з цільом оборонити нашу теріторію перед потенціалным аґресором. Армада Чеськой републікы інформовала, же задачов чеськых вояків є одстрашыти неприятеля і боронити граніці Североатлантічной аліанції. Чехы будуть на Словакії командовати многонародній бойовій ґрупі, мандат рахує з присутносьтов до 600 чеськых вояків. До такзваной „battlegroup“ ся мають залучіти і вояци з Голандії, Німецька, Польщі, Словенії і Споєных штатів Америкы.

(Медвідь, ТASR)